Work with us

The advertisement below is for a role for which the ability to communicate in Welsh is an essential requirement.

Teitl y Swydd:

Crëwr Cynnwys

Trosolwg o Libera a Social Media Conference Cymru:

Mae Libera yn asiantaeth greadigol ddigidol ddwyieithog sy’n arbenigo mewn hysbysebion digidol a chreu cynnwys ar gyfer y cyfryngau cymdeithasol. Ers sefydlu yn 2023, mae Libera wedi gweithio gyda nifer o gleientiaid cyffrous gan gynnwys BBC Studios, Tinint, BBC Cymru Wales, Cymdeithas Amaethyddol Frenhinol Cymru, Urdd Gobaith Cymru, Coleg Cymraeg Cenedlaethol, Mentera, Llyfrgell Genedlaethol Cymru ac eraill.

Libera hefyd yw trefnwyr Social Media Conference Cymru. Cynhaliwyd Social Media Conference Cymru am yr ail dro ym mis Medi 2024, pan ddaeth 330 o bobl oedd yn gweithio ym maes marchnata at ei gilydd yn Arena Abertawe i glywed gan arbenigwyr yn y maes ac i rwydweithio. Bydd SMC Cymru yn dychwelyd yn 2025 ac yn tyfu. Dyma gyfle arbennig i chwarae rhan allweddol yn nhwf un o brif ddigwyddiadau’r diwydiant marchnata yng Nghymru.

Trosolwg o’r rôl:

Rydym yn awyddus i recriwtio Crëwr Cynnwys i greu cynnwys ar gyfer cleientiaid. Bydd gan yr ymgeisydd llwyddiannus y gallu i fod yn drefnus, y gallu i fod yn greadigol, dealltwriaeth o’r dirwedd ddigidol a chyfryngau cymdeithasol, a gyda sylw i fanylder, a bydd yn gallu gweithio’n gyflym fel rhan o dîm bach, yn ogystal â gweithio’n annibynnol.

Cyfrifoldebau allweddol:

• Creu cynnwys fideo a chynnwys llonydd ar gyfer cyfrifon cleientiaid

• Cynllunio, ffilmio a golygu cynnwys

• Cynnig mewnbwn i syniadau a chynlluniau creadigol

• Rhedeg hysbysebion digidol i gleientiaid

• Cynorthwyo â gwaith trefnu hyfforddiant cyfryngau cymdeithasol

• Cynorthwyo ac arwain ar elfennau o drefnu SMC Cymru 2025 ac unrhyw ddigwyddiadau eraill

• Cyfrannu at greu cynnwys ar gyfer gwefan SMC Cymru

• Ysgrifennu copi ar gyfer newyddlenni SMC Cymru

• Bod yn barod i gyfrannu yn greadigol fel rhan o’r tîm

Rhinweddau a Sgiliau Angenrheidiol:

• Parodrwydd i ddysgu

• Y gallu i weithio yn effeithiol fel rhan o dîm

• Y gallu i adeiladu perthnasau positif gyda rhanddeiliaid, cydweithwyr a chleientiaid

• Y gallu i feddwl yn greadigol y tu allan i’r bocs

• Safonau uchel iawn

• Ymrwymiad i ddatblygiad proffesiynol parhaus a diwylliant o barhau i wella yn gyson

• Deallusrwydd arbennig o’r cyfryngau cymdeithasol a thueddiadau defnyddwyr

• Y gallu i ysgrifennu ar gyfer amrywiaeth o gynulleidfaoedd

• Y gallu i weithio yn annibynnol ac yn hyderus yn gweithio o adre

• Y gallu i siarad ac ysgrifennu yn y Gymraeg

Profiad a Sgiliau Dymunol:

• Profiad o ddefnyddio meddalwedd golygu fideo ar ffôn a/neu ar gyfrifiadur

• Profiad o greu cynnwys ar gyfer y cyfryngau cymdeithasol

• Profiad o reoli cyfrifon cyfryngau cymdeithasol

• Profiad o gyfrannu at drefnu digwyddiad neu ymgyrch

• Profiad blaenorol o weithio mewn rôl marchnata / cyfryngau cymdeithasol 

Beth allwn ni gynnig?

• Cyfleoedd i fynychu digwyddiadau yn y maes marchnata

• Cyfleoedd i gwblhau hyfforddiant yn y maes marchnata (gan gynnwys hyfforddiant achrededig)

• Profiad o weithio gyda chleientiaid mawr a bach ar brosiectau creadigol

• Profiad o gyfrannu at drefnu digwyddiad mawr
  
  

Y Cynnig:

Mae Libera yn gwmni 4 diwrnod yr wythnos felly mae llawn amser yn gyfystyr â gweithio 4 diwrnod yr wythnos.

• Cytundeb llawn amser am 6 mis gyda’r posibilrwydd o barhad

• Cyflog: £23,500-£26,000 pro rata yn ddibynnol ar brofiad

• Cyfraniadau pensiwn (4%)

• 20 diwrnod o wyliau blynyddol pro rata (sy’n gyfystyr â 5 wythnos ar gynllun gwaith 4 diwrnod yr wythnos) + Gŵyliau Banc Statudol

• Cynllun Iechyd (Health Cash Plan) lle gallwch hawlio rhai costau iechyd yn ôl (er enghraifft costau deintydd / optegydd), cael mynediad at feddyg teulu 24/7 a’r gallu i ychwanegu eich partner os mynnwch

• Lleoliad: Gweithio hybrid a hyblyg - O adref ac o Gaerfyrddin / Caerdydd
  
  

Sut i Wneud Cais:

Anfonwch ebost at helo@liberaagency.com gyda’r canlynol:

• Linc at broffil LinkedIn wedi ei ddiweddaru (neu CV os nad oes gennych LinkedIn)

• Enghreifftiau o’ch gwaith blaenorol i gefnogi eich cais.

Dyddiad Cau: 5:00PM, 5 Tachwedd 2024